Eşbır qoldausyz Qazaqstandyq qyz oquyn tabysty mansappen ūştastyra otyryp, AQŞ-ta ekınşı bılım aluda.
Maiamidegı jağajailardyñ bırınde ornalasqan joğary sūranysqa ie Milos meiramhanasyna jyl saiyn myñdağan jergılıktı tūrğyndar men turister, sonyñ ışınde ataqty adamdar keledı. Restoran 2021 jyly eñ jaqsy Ocean Drive teñız önımderı meiramhanalarynyñ bırı atağyn aldy, al 2020 jyly Purewow reitingınde Oñtüstık jağajaidyñ absoluttı üzdıgı atandy. Mūnda 150-ge juyq adam jūmys ısteidı, al olardy 27 jastağy Qazaqstannan kelgen Gülnar Myrzağalieva basqarady.
İi, restorandy basqaru oñai emes –1100 şarşy metrlı jäne ainalymy bırneşe ondağan million dollardy qūraityn ülken meiramhananyñ barlyq kürdelı qarjylyq-ekonomikalyq bölıgı onyñ iyğynda. Gülnardyñ aituynşa, ärbır dollar ol arqyly ötedı.
Forbes.kz bergen sūhbatynda Gülnar Myrzağalieva AQŞ-qa ne üşın ketkenı, joğary deñgeilı meiramhanada basşylyq lauazymğa qalai qol jetkızgenı, Ştattarda qandai qiyndyqtarğa tap bolğany jäne Qazaqstannan kelgen jūmyskerlerdı amerikandyqtar nege sonşa bağalaityny turaly aityp berdı.
Oraldan Maiamige jol
Gülnara Oral mañyndağy Şyñğyrlau audanynyñ Tasmola şağyn auylynda tuyp-ösken. Ony atasy men äjesı ösırdı. Olar bala kezınen Gülnardy jūmysqa dağdylandyryp, jaqsy oqudy talap ettı.
- Ärine, auyldağy ömırdıñ qaladağy ömırden özgeşelıgı bar. Bız peş jağyp, su tasydyq, barlyq üi kerek-jaraqtary aulada bolatyn. Menıñ ata-anam bolmady, menı ata-äjem tärbieledı. Äjem mağan ärqaşan jaqsy oqy, ağylşyn tılın üiren sonda sen älemdı tanisyñ deitın – dep eske alady Gülnar.
Tuğan auylynda mekteptı bıtırgen Gülnar Oral qalasyna köşıp, «Eurazii» universitetıne audarmaşy bolyp oquğa tüstı. Bırınşı kursta, 2013 jyldyñ aqpanynda qyz özınıñ tuysynan Work and Travel bağdarlamasy turaly bıldı. Sonymen qatar, tuysy Gülnar AQŞ-qa barğysy kelse, aqşa jağynan kömektesuge uäde berdı. Al qyz kelıstı.
- Bırınşı kurstan keiın Men jäne universitettegı dosym Soltüstık Karolinağa üş aiğa bardyq. Ol bırden qaluğa şeşım qabyldady. Men Qazaqstanğa oraldym, ekınşı kursty aiqtadym jäne 2014 jyly tüpkılıktı AQŞ-qa kettım. Men qaitadan Soltüstık Karolinağa oraldym, bıraq būl turistık aimaq bolğandyqtan, men Maiamige köşudı oiladym. Floridada damu mümkındıkterı köbırek, ömır bırşama arzanyraq, sonymen qatar jaqyn jerde mūhit bar jäne mäñgılık jaz», - dep tüsındırdı Gülnara öz tañdauyn.
Self-made
Gülnara ärqaşan Amerikağa köşudı armandaityn jäne mäsele tıptı jaqsy ömır süruge ūmtyluda emes. Qyzdyñ aituynşa, ol mentalitettıñ erekşelıkterınen jäne jaqyndarynyñ äieldıñ basty maqsaty – tūrmysqa şyğyp, bala bağu degen sekıldı senımderden qaşqysy keldı.
- Men nekege jäne balalarğa qarsy emespın, men de mūny qalaimyn, bıraq būl men üşın ömırdegı jalğyz maqsat emes. Men saihattap, özımdı damytyp, ärı qarai mansapqa ūmtylğym keledı. Erkın bolğym keldı, basqa adamdardyñ men turaly ne oilaitynyna nemese mağan öz oi-pıkırlerın tyqpalamaitynyna alañdamai ömır sürgım keldı. Mağan būl eşqaşan ūnamady. Mūnda adamdar özgeşe, mınezderı, ömır süru deñgeiı basqa,öz tañdauynda erkın, - dep tüsındıredı Gülnar öz şeşımın.
Gülnardyñ ūnatpaityn Qazaqstan qoğamyndağy mentalitettıñ tağy bır erekşelıgı – jūmysqa ornalasu kezınde «tamyr-tanystyñ» mañyzdylyğy.
- Mūndai AQŞ-ta da bar: Sızdı qandai da bır kompaniiğa jūmysqa alu üşın bıreudıñ ūsynymy mañyzdy. Bıraq ūsynymdy alu üşın sız tamyr-tanys emes şynymende jaqsy adam, maman boluyñyz kerek – būl ülken aiyrmaşylyq, deidı sūhbattasuşy. - Mūnda sız kez kelgen maqsatqa jete alasyz, bastysy – üzdıksız damu jäne tyrysu.
Mansap satysy (joly)
Maiamige kelgen Gülnar AQŞ-tağy şeteldıkter jolymen jürıp, özınıñ eñbek jolyn daişy retınde bastady. Aqşa tek negızgı qajettılıkterge – baspana men azyq-tülıkke jetkılıktı boldy, bıraq Gülnar köbırek aqşa tabu, aqşa jinau jäne universitetke tüsu kerek ekenın tüsındı. Sodan keiın ol aimaqtyq assistent lauazymyna advokattar keñsesıne ornalasty. Tabysy köbeie tüstı, bıraq ony oquğa jūmsau üşın älı de jetkılıksız boldy. Sodan keiın Gülnar ekınşı jūmysqa, keşkı jūmysqa şyğuğa şeşım qabyldady. Būl onyñ mansaptağy negızgı satysy boldy.
- 2018 jyly men Milos meiramhanasyna äkımşı bolyp jūmysqa tūrdym. Būl lauazymda men bır ai jūmys ıstedım jäne keiınnen mağan esepşı lauazymy ūsynyldy, osylaişa olar menıñ köptegen mälımetterge jauapkerşılıkpen jäne mūqiitpen qaraitynymdy alğa tartty. Men kelıstım. Sodan keiın olar operasiilyq menedjerdı jūmystan şyğardy, mağan onyñ pozisiisy ūsynyldy, - dedı Gülnar Myrzağalieva.
4 jyldan berı Gülnar meiramhanany tolyğymen basqarady jäne är dollardyñ qozğalysy turaly bıledı.
- Gresii men Portugaliidan teñız önımderıne tapsyrys beremın, olardy ūşaqpen jetkızemın, töleimın. Men önımderdıñ boluyn qadağalaimyn, lisenziilardy jyl saiyn ūzartamyn, jalpy, biznes üşın qajet närsenıñ bärın jasaimyn. Bız künıne 400-500 tūtynuşyğa qyzmet körsetemız. Men Maiamidegı meiramhanada jūmys ısteitınderdıñ barlyğyn basqaramyn jäne olarğa uaqytynda jalaqy berıletınıne köz jetkızemın. Menıñ mūnda bastyğym joq, olar Monrealda jäne Nu - İorkte", - dep tüsındırdı sūhbattasuşy.
Maiamidegı meiramhana biznes ielerı üşın jalğyz meiramhana emes. Milos Las-Vegasta, Londonda, Afinada, Monrealda da bar (Alğaşqy Milos meiramhanasy 1979 jyly aşylğan). Jaqynda Dubaida meiramhana aşylyp, Los-Andjeles pen Maiamide tağy bır oryn paida bolady. Sonymen qatar, Nu-İorkte Gülnar basqaruğa kömektesetın ekı meiramhana bar. Jylyna ol är türlı bonustar men äleumettık pakettı eseptemegende şamamen 100 myñ dollar alady.
Qazaqstan qauymdastyğy
Soñğy kezderı Ştattarda qyzyqty tendensii paida boldy, deidı Gülnar. Amerikandyqtar köbınese postkeñestık keñıstık elderınıñ jūmysşylarymen yntymaqtastyq ornatuğa tyrysady. Olar mūny Amerikağa jaqsy ömır ızdep köşetınderdıñ barlyğy derlık eñbekqor, maqsatty jäne jauapty ekendıgımen tüsındıredı. Köptegen adamdar öz biznesterın qūruda olardy basşylyq lauazymğa alyp jatady jäne olardyñ arasynda memlekettık järdemaqyğa senıp ömır sürıp jürgender joqtyñ qasy, al būl amerikandyq jūmys beruşıler üşın jūmysqa aluğa jaqsy körsetkış.
- Mūnda jūmysqa alu kezınde sız turaly keñes berıp, ūsynuy öte mañyzdy. Sipattama öte mañyzdy. Bıraq sonymen bırge jūmysqa baiypty qaraityn jauapty adamdar az. Meiramhanada jūmys ıstegen jyldary men köptegen jauapsyz adamdardy kördım, olar sağat üşte kelemın deidı de, sağat beste keledı nemese mülde kelmeidı. Sonymen bırge, osynda jūmys ısteitın postkeñestık keñıstıktegı «bızdıñ» jerlesterımız köbınese öte jauapty. Men olarmen jūmys ıstegende, mağan äldeqaida jeñıl, olar eşqaşan qosymşa sūraqtar qoimaidy jäne sonymen bırge öz ısterın öte jaqsy oryndaidy, - deidı Gülnar - Bızde Qazaqstandyqtar qauymdastyğy bar, kezdesuler ötkızemız, qarym-qatynas jasaimyz. Jyl saiyn Qazaqstannan kelgenderdıñ qatary köbeiıp keledı jäne olardyñ barlyğy derlık jaqsy jūmystarğa ornalasuda.
Uaqytşa qiyndyqtar
Qazaqstandyqtar üşın bärı oñai jäne sättı bolyp jatyr ma degen sūraqqa Gülnar külıp,jauap berdı: Ärine, joq. Qiyndyqtar bar jäne olar köp. Onyñ pıkırınşe, negızgı qiyndyqtar mädeniet pen mentalitettıñ ülken aiyrmaşylyğynan tuyndaidy.
- Bır qyzyğy, amerikandyqtardyñ özderı öte sypaiy jäne olar kez-kelgen mädenietke ülken qūrmetpen qaraidy, al bız ärqaşan olardyñ qūndylyqtaryn eskermeimız. Mūndai qarym – qatynas dūrys jūmys ıstemeuı mümkın», - dep tüsındıredı Gülnar.
Tiısınşe, qiyndyqtar tıldık kedergılerge bailanysty tuyndaidy. Bıraq eger sız maqsat qoisañyz, ony tez tüzetuge bolady – eñ bastysy ūmtylystyñ boluy - deidı Gülnar.
- Men osynda köşken kezde ağylşyn tılınde söilei almadym, ağylşyn tılın tek bazalyq deñgeide bıldım. Sodan keiın men dostarymmen söilesudı toqtattym. Osynda ömır süredı ekenmın, ağylşyn tılın tez üirenuım kerek dep şeştım. Men orys tılındegı qarym-qatynasty tolyğymen şektedım, özımdı tek ağylşyn tılınde söileuge jäne tek amerikandyqtarmen söilesuge mäjbürledım. Osylaişa jaña ömırge tolyqtai enuge tyrystym.
Degenmen, Gülnar barlyq qiyndyqtarğa qaramastan otanyna oralğysy kelmedı.
- Ärine, qiyn sätter boldy, aqşa jetıspedı. Menıñ qazır tapqan jalaqym sol kezde mümkın emes soma siiqty körındı. Qoldau körsetetın eşkım bolmady. Eşkımge arqa süiei almaitynymdy, būl şeşımdı özım qabyldağanymdy, eger qiyndyqtar tuyndasa, olardy şeşu kerek ekenın, ärı qarai jüru kerek ekenın, myqty bolu kerek ekenın bıldım, - dep eske alady Gülnara - Būl ışınara özıme qolymnan barlyğy keletının däleldegım kelgendıkten bolar. Qazaqstannan ketıp bara jatqanymda mağan eşkım asa senbedı. Olar menıñ nebärı 19 jasta ekenımdı alğa tartyp, qolymnan kelmeitının jäne bärıbırde elge oralatynymdy aitatyn. Būl da menıñ bas tartpauyma türtkıl boldy.
Bıraq otanyna oralğysy kelmeu qyzdyñ öz elıne nemese mädenietıne degen süiıspenşılıktıñ joqtyğyn bıldırmeidı. Kerısınşe, Gülnar qazaq dästürlerın ūmytpai, olar turaly amerikandyq dostaryna da aityp beredı.
- Bız öz otanymyzdy, dästürlerımızdı ūmytpauymyz kerek jäne men ärdaiym dostarymdy bızdıñ mädenietımızben tanystyruğa tyrysamyn. Mysaly, bız Nauryz merekesın toilağandy jaqsy köremız. Menıñ barlyq amerikandyq dostarym men joldasym nauryz merekesın, sondai-aq ūlttyq tağamdarymyzdy, äsırese beşbarmaqty jaqsy köredı. Bıraq olar qūrtty ūnatpaidy, tüsınbeidı, - dep küledı Gülnara - Olar Qazaqstanğa qyzyğuşylyq tanytady, öitkenı olar üşın bız bärımız qytailyqpyz jäne menıñ Qazaqstannan ekenımdı bılgende, bızdıñ el turaly köbırek bıluge tyrysady.
Bolaşaqqa jospar
Ağymdağy jyldyñ tamyz aiynda Gülnar «qarjyger» mamandyğy boiynşa amerikandyq kolledjdı tämamdaidy. Būl Gülnardyñ AQŞ-ta tämamdaityn ekınşı oqu orny. İkemdı jūmys kestesı men jūmys jyldarynda qūrylğan ūjymmen senımdı qarym-qatynas meiramhanadağy jūmys pen oqudy ūştastyra alyp jüruge kömektesedı.
- Jūmysta da, oquda da bärın jasauğa uaqyt bolu üşın sız öte ūiymşyl boluyñyz kerek, oqu men jūmys bır-bırıne kedergı keltırmeuı üşın uaqytyñyzdy dūrys paidalanudy bıluıñız qajet. Men özımdı jūmysta jauapty adam retınde körsete aldym, eger mağan jūmys ornynan oquğa ketu kerek bolsa, iğni men jūmys ornynda barlyq mındetımdı oryndap ketkendımdı bıldıredı, - deidı Gülnara.
Bolaşaqta Gülnara bank salasyna jūmysqa ketudı josparlap otyr. Onyñ aituynşa, meiramhana biznesı öte jauapty jäne kürdelı jūmys, öitkenı eger bır bağytta, mysaly, jetkızılım tızbegınde kıdırıs oryn alsa, onda köptegen prosester toqtap qalady. Qyzmettıñ basqa salasy jeke damudyñ qosymşa kezeñın beredı.
- Men otbasyma, äpkelerıme jäne jalpy qyzdarğa ülgı bolğym keledı. Men äiel adamnyñ tek otbasyda ğana emes kez kelgen salada jetıstıkke jete alatynyn, damu kerek ekenın, ömır tek neke men jükıtılık demalyspen ğana şektelmeitının körsetkım keledı, - dep tüiındeidı Gülnar Myrzağalieva.
Şetelde jürıp ülken jetıstıkterge jetken otandastarymyzben sūhbattar siklı. Forbes Kazakhstan kompaniisymen bırlesken joba.