Qazaqstandyq AQŞ-tağy qarjylyq qylmystardy qalai aşady?

02 Mamyr, 2023

Aqşany jylystatuğa qarsy ıs qimyl salasyndağy sarapşy Forbes Kazakhstan kompaniisyna ülken sūhbat berdı

2021 jyldyñ aqpanynda amerikandyq Forbes jurnaly next 1000 reitingın jariilady. Būl tızımge AQŞ-tyñ tükpır-tükpırınen aldyn-ala kırısı 10 million dollardan aspaityn özın-özı qarjylandyratyn dükender men startaptar kıredı. Qarapaiym tılmen aitqanda, būl tızımge eldıñ eñ tabysty jäne perspektivaly şağyn biznes nysandary kıredı. Osy tızımge qatysuşylardyñ arasynda 29 jastağy qazaqstandyq Elisar Nūrmağambetov boldy. 67 jastağy amerikandyq käsıpker Amir Sanderdjimen bırge ol aqşany jylystatu jäne alaiqtyq siiqty qarjylyq qylmystardy, sondai-aq adam saudasynyñ faktılerın anyqtaityn «Consilienz» bağdarlamalyq jasaqtama jüiesın qūrdy.

Elisar atap ötkendei, AQŞ-tyñ qauıpsızdık industriisyna jas qazaq jıgıtı tügıl tıptı amerikandyq  mamanğa da kıru öte qiyn. Köptegen adamdar osy salada biznestı aşuğa tek ülken jūmys ötılı, sonyñ ışınde barlau qyzmetterınde jūmys ısteu arqyly keledı. Degenmen, bügınde eldıñ qarjylyq, qūqyq qorğau jäne ükımettık ūiymdary küdıktı tranzaksiilardy anyqtau üşın Consilienz jüiesın paidalanady. Būl önım AQŞ-tağy pandemiiğa qarsy «tıkūşaq» dağdarysqa qarsy aqşa taratu kezınde erekşe tanymal boldy.

2021 jyly Elisar Nūrmağambetov Forbes Kazakhstan «30-dan 30-ğa deiın» reitingınıñ finalistı atandy.

Bızdıñ YouTube-arnamyzdağy jaña sūhbatynda jas käsıpker AQŞ pen Qazaqstanda aqşany jylystatu industriisy qalai qūrylğany turaly äñgımeleidı. Elisardyñ aituynşa, būl prosestı ädette advokattar men buhgalterler armiisy basqarady, mūnda aldyn-ala tırkelgen jäne müddelı klienttı kütıp tūrğan offşorlyq kompaniilar jiı qoldanylady.

«Öte qarapaiym mındet – qylmys älemımen bailanysty adamdardy qadağalau. Ärqaşan «adal» jūmys ısteitın taza kompaniinyñ tranzaksiisyn anyqtau jäne sol jerde aqşany jylystatatynyn tüsınu qiynyraq. Būl bızdıñ mındetımız, bağdarlamalyq jasaqtamanyñ mındetı – taza kompaniilar men qylmyskerler arasyndağy bailanysty ızdeu», - dep naqtylady ol.

Qazaqstannan aqşa jymqyru täsılderı öte qarapaiym, tıptı qarabaiyr, - deidı Elisar. «Būl belgılı bır jabdyqty joğary bağamen satyp alğan kezde kümändı mämıleler arqyly offşorlyq, jasandy kompaniilar arqyly standartty aila-amaldar», - dep tızımdeidı ol. Būl rette aqşany elge qaitaru äldeqaida qiynyraq bolady.

«Elden şyğarylğan aqşanyñ barlyğy ärtürlı urisdiksiilarda. Bızdıñ tehnologiilarymyz bailanys ornatylğanyn anyqtap, dälelder jinauda qolaily. ärtürlı elderdıñ kompaniilarynyñ Qazaqstanmen bailanysyn taba alamyz. Alaida, būl ülken jūmys. Kompaniilardyñ jäne olarmen bailanysty tūlğalardyñ şeksız tızbekterınen ötuge tura keledı», - deidı ol.

Keiıpkerdıñ pıkırınşe, Qazaqstannyñ aşyqtyğy men basqa eldermen yntymaqtastyğy jağdaidy jeñıldetedı.

Bızdıñ YouTube kanalymyzda Elisarmen tolyq sūhbatty qarañyz.