Jezqazğandyq jıgıt qalai Qytai Silikon alqabynyñ jetekşı mamany boldy?

02 Mamyr, 2023

«Ata-anam mağan ülken ağamdy ülgı etetın, men ärqaşan odan asyp tüskım keletın. Künderdıñ künınde: Anaşym, qaraşy, men odan asyp tüstım,- dep aitu üşın sabağyma bar küşımdı saldym» - Medet Serık.

28 jastağy Medet Serık özın jai IT-keñesşı dep tanystyrdy, bıraq äñgıme barysynda onyñ özın kışıpeiıl ekenın körsetıp jatqany tüsınıktı boldy. Şyn mänınde, bügınde onyñ qatysuymen Qytaidyñ Şenchjen-Silikon alqabynda ornalasqan Huawei kompaniisynyñ ştab - päterınde köptegen kelıssözder jürıp jatyr.

Medet Fortune 500 kompaniisynyñ basşylarymen strategiilardy äzırleuge, qarym-qatynas ornatuğa jäne basqaruğa jauapty. Medettıñ mındetı – ırı älemdık korporasiilardy sifrlyq transformasiilau üşın şeşımderdı ızdeu jäne kompaniilardyñ bırınşı tūlğalaryna belgılı bır hardware-şeşımderdıñ artyqşylyqtaryn jetkızu.

«Dialog ornatu – būl menıñ basty mındetım», – deidı Medet öz qyzmetı turaly. — Elestetıp körıñızşı, Volkswagen avtokonsernı siiqty ırı korporasiinyñ CEO keledı jäne onyñ aqparattyq-kommunikasiilyq tehnologiilar (AKT) salasynda bılımı joğynan bölek, sonymen qatar bızdıñ kompanii turaly eşteñe bılmeuı nemese senbeuı, onyñ keibır stereotipterı boluy mümkın. Oğan bıreu tüsınıktı türde bärın tüsındırıp, sūraqtarğa jauap berıp, mysaldar körsetıp, qandai da bır eksperiment jürgızuı kerek. Oğan bärı tüsınıktı bolğan kezde, ol bızge sene bastaidy. Ol endı öz kompaniisyna sifrlyq şeşımder alu üşın bızge jügınuden qoryqpaidy. Būl rette kelısımşartqa bügın-erteñ qol qou mındettı emes. Eñ bastysy, būl kompanii bır jyl nemese bes jyldan keiın, olarda qandai da bır mäseleler tuyndağan kezde bızge jügınedı».

Huawei-de jūmys ıstegen ekı jyl ışınde Medet jüzdegen konsultasiilar ötkızdı, sonyñ arqasynda 200-den astam Global C-Suite basşylarymen tek käsıporyndarğa ğana emes, tıptı aqyldy qalalar üşın de şeşımder jasau turaly kelısımşarttar jasaldy.

Ärine, qazaqstandyq Qytai kompaniisyndağy jalğyz IT-keñesşı emes, ondai mamandar köp, tek Medet olardyñ ışındegı üzdıkterdıñ bırı. Būğan dälel – Medet kompaniida jūmys ıstegen bırınşı jyly jaña qyzmetkerler arasynda ötkızılgen The Best Solutions Consultant («üzdık şeşım boiynşa keñesşı») baiqauynda senımdı türde jeñıske jettı. Būl jetıstıkke qalai jettı degen sūraqqa ol:

«Men injenermın. Osy tehnologiilardyñ barlyğyn bılemın, olardy özım de jasağanmyn nemese synaqtan ötkızgenmın. Men adamdarğa būl tehnologiilar turaly barynşa qalai tüsındıru kerek ekenın bılemın. Mağan joğary tehnologiilar älemıne jol körsetuşı bola alatynym ūnaidy».

AKT Medettıñ negızgı mamandyğy, al qarym-qatynas dağdylaryn oğan jyldar boiy damytuğa tura keldı. Basty mındet ağylşyn tılın üirenu boldy, ony bızdıñ sūhbattasuşy aitqandai, ol öte ūzaq uaqyt boiy jetıldıruge mäjbür boldy. Mūğalım jaldady, tutormen bırge oqydy, Work&Travel bağdarlamasy boiynşa Amerikağa bardy, tıptı tehnikalyq audarma kurstaryn bıtırdı. Ağylşyn ädebietın oqu Medetke mañyzdy aqparatty jetkızu üşın sözdık qoryn damytuğa kömektesedı.

Medet kün saiyn, tek älemdık korporasiilardyñ ğana emes, bükıl memleketterdıñ basşylary üşın keñes beredı. Sonymen qatar, Latyn Amerika elderınıñ bırınıñ Premer-Ministrımen kezdesuge pandemiiğa bailanysty barlyğy 7 adam şaqyryldy jäne Medet solardyñ qatarynda boldy.

«Bır kezde men bızdıñ kompaniinyñ CEO men Premer-Ministrdıñ arasynda tūrmyn jäne oiyma: Qūdaiym-au, Men mūnda ne ıstep jatyrmyn? Nege men? Nelıkten mağan prezentasii jasap, tolyq jauap beru kerek?» - dep küledı Medet.

Qazır IT-keñesşı mūndai ıs-şaralarğa qatysuğa üirenıp qalğan, bıraq kompaniidağy jūmysynyñ bastapqy kezeñınde ol öz jūmysyna mūndai senımdılıkpen qaramady. Ol prezentasii aldynda ärdaiym qatty qobaljyp, bırdeñenı dūrys emes aitamyn dep qorqatyn, öitkenı būl Medettıñ mansabyna ğana emes, brendtıñ bedelıne de ziin tigızuı mümkın. Degenmen, ünemı jattyğu jasau är uaqytta senımdılıktı arttyrady.

«Bız üzdıksız öz-özımızben jūmys jasaimyz», – dep jalğastyrdy Medet. - Kompanii AKT şeşımderınıñ ülken tızbegın ūsynatyndyqtan, bızben treningter ötkızıledı. Bız ärbır önım turaly bıluımız kerek, bız onyñ qūrylğysy men artyqşylyqtaryn zertteimız, sodan keiın būl aqparatty klientke jetkızemız. Öitkenı, eger būl şeşımder turaly injenerlerdıñ özderı aitatyn bolsa, tapsyrys beruşıler olardy tüsınbeidı».

Bolaşaqqa antenna

Medet qazır armandağan jūmysy bar dep mälımdeidı. Alaida, qalağan lauazymğa ornalasu üşın onyñ tüiındemesın Huawei kompaniisynyñ HR bölımı baiqağanşa bırneşe jyl kütuge tura keldı.

Ärine, jauap kütıp, qol qusyryp otyru injenerdıñ josparynda bolğan joq. Beijıñ tehnologiilyq universitetınde magistraturany tämamdağannan keiın Medet Qazaqstanğa baryp, QR Aqparat jäne kommunikasiilar ministrlıgıne jūmysqa ornalasuğa tyrysty, alaida alğaşqy sūhbatynda: «Rahmet, bız sızben habarlasamyz» degendı estıdı. Men qoñyraudy küte almadym jäne Beijıñge oraldym. Mūnda ol Qytaidyñ eñ ırı avtomobil konglomeraty BAIC group-qa jūmysqa ornalasty, onda ol ekı jyl boiy avtomobil men būltty platformany bailanystyratyn antenna jüiesın jasaumen ainalysty. Medet osy qyzmettıñ nätijelerın osy künge deiın köredı jäne antennalardağy jūmysty özınıñ jetıstıkterınıñ bırı dep sanaidy.

«4G/GNSS/DAB antennalaryn äzırleu – menıñ eñ ülken jobalarymnyñ bırı, - dep eske alady Medet Serık. – Men bırde DiDi taksiın şaqyrdym: men jasağan antenna ornatylğan kölık keledı. Men şydai almai, bailanys qalypty jūmys ıstei me, dybys būrmalanbaidy ma dep sūradym. Jürgızuşı mağan: «joq, bärı eş qiyndyqsyz jūmys ısteidı», - dep jauap berdı. Onyñ jauabyna qatty quandym».

Sodan keiın Şanhaiğa şaqyru kelıp tüstı, onda jas mamanğa Volkswagen kompaniisynda jūmys ūsynyldy. Būl avtokölık konsernınde Medet Volfsburg pen Şanhaidağy ğylymi-zertteu ortalyqtarynyñ funksionaldy tobyn basqardy, maqsaty Qytai naryğy üşın Volkswagen avtomobilderınıñ elektronikasyn oqşaulau boldy. Osy lauazymda alty ai jūmys ıstegennen keiın Medet aqyry armandağan Huawei kompaniisyna şaqyru aldy.

«Antennalardy avtomobilder üşın nemese telekommunikasiilyq jüieler üşın ornatu prinsipı bır. Men mūnyñ bärın jyldar boiy zerttedım, jobaladym, synap kördım. Ärine, mūnyñ bärın adamdarğa tüsındıruge jäne olarğa sifrlyq transformasiiğa kömektesuge mümkındık alğan kezde men būl mümkındıktı quana qoldandym. Men būl jūmysymnan läzzat alamyn. Būdan men energii alamyn, öitkenı adamdardyñ rizaşylyğyn estisıñ. Prezentasiidan keiın adamdardyñ qol şapalaqtağanyn estıgende būnyñ bärı tekke emes ekenın tüsınesıñ», - deidı Medet.

Ülken şeteldıñ şamdary

Medet Serık Jezqazğanda tuyldy. Tuğan qalasynda orta mekteptı bıtırıp, Qarağandy tehnikalyq universitetıne AKT mamandyğy boiynşa oquğa tüstı. Būl tañdauyn qarapaiym türde tüsındıredı: granttar köp bolğan oqu ornyna bardym. Oqu kezınde de Medet magistraturağa şetelge tüsetının naqty bıldı, sondyqtan ol tehnikalyq audarma kurstaryna jazyldy.

Oquğa tüsu uaqyty kelgende, öz tañdauyn Şotlandiinyñ Edinburg universitetıne jasady. Ol qūjattardy tapsyrdy, tıptı şaqyru aldy, bıraq Medettıñ otbasy üşın oqu aqysy öte joğary boldy. Sodan keiın internet keñıstıgınde Medet Beijıñ tehnologiilyq institutyna granttardyñ aşyluy turaly habarlandyru tapty. Ūzaq oilanbastan, qūjattardy jıberdı jäne bır aidan keiın ol ekı jylğa tolyq stipendiilyq grant alyp, oquğa tüsuşıler tızımınde jäne üzdık bestıkte boldy.

«Men qytai tılın bılmedım, sondyqtan men ağylşyn tılınde oqudy tañdadym. Alaida, men oqudy aiqtağannan keiın osynda jūmys ıstegım keletının tüsındım jäne qytai tılın üirenudıñ qarqyndy kurstaryna bardym. Men qazır būl tıldı öte jaqsy bılemın, tıptı oqu kezınde de halyqaralyq studentter arasyndağy Qytai tılı jarystarynda bırınşı orynğa ie boldym», - deidı Medet.

Sofitter aisynda

Bügıngı tañda Medet Serık Qytaidyñ jetekşı kompaniilarynyñ bırınde tabysty IT-keñesşı ğana emes, sonymen qatar älemdık deñgeidegı köptegen konferensiilarda qūrmettı spiker bolyp tabylady. Jas injener «Aqyldy qala Barselona» jäne Mobile World Conference konferensiilarynda şaqyrylğan sarapşy boldy. Älemge äigılı Huawei Connect konferensiisy da özınıñ bolaşaq zor qyzmetkerınıñ qatysuynsyz ötpeidı. Konferensiilardan basqa, Medet jiı ärtürlı universitetterdıñ MBA studentterıne därıster ötkızedı.

«Men Oksfordta, Sinhuada (būl Qytaidağy bırınşı universitet), amerikandyq Suffolk universitetınde därıs oqydym. Studentter qytai naryğynda qandai biznes-model bar ekenın, oqudy bıtırgennen keiın jūmys taba alatyndyğy, olardyñ qyzyqtyratyn jaña tehnologiilar turaly bılgısı keledı.  Būrynğy student retınde öz bılımımmen, dağdylarymmen bölısemın,jūmysqa qalai ornalasuğa bolatynyn, qandai mümkındıkter, qandai täjıribe alu kerektıgın aitamyn», - dep jetıstıkterımen bölısedı Medet.

Spiker barlyq baindamalarynda özınıñ Qazaqstannan ekenın zor maqtanyşpen aitady.

Şetelde jürıp ülken jetıstıkterge jetken otandastarymyzben sūhbattar siklı. Forbes Kazakhstan kompaniisymen bırlesken joba.

Forbes.kz