Google-da 100 qazaqstandyq jūmys ısteidı. Olar kımder?

07 May'sym, 2023

Keibıreuler üşın Google-da jūmys ısteu arman emes, mansaptağy kezektı kezeñ dep esepteidı sonda jetınşı jyl jūmys ısteitın Şerzat Aitbaev.

Google-da  Qazaqstannan kelgen jüzge juyq qyzmetker bar, olardyñ arasynda tıptı basşylyq tarapynan resmi türde moiyndağan öz qoğamdastyğy da qūrylğan.

Google checks platformasyn äzırleuşılerdıñ bırı Şerzat Aitbaev qazaqstandyqtardyñ «armandaityn jūmysyna» qalai keletının, nege jūmystan şyğarylatynyn jäne nege qalatynyn aityp berdı.

Puşkinşeden özge lisei

Şerzat Özbekstannyñ Almalyq qalasynda düniege kelgen. Al 9 jasynda onyñ otbasy Almatyğa qonys audarğan. Ol bağdarlamalau üiırmesı bar jäne balalardy IT-olimpiadasyna maqsatty türde daiyndağan qazaq-türık liseiınde oqydy.

Şerzat 9-synyptan bastap qalalyq jäne respublikalyq jarystarda jüldelı oryndarğa ie boldy. Komandalyq qūramnyñ ışınde jürıp bükılreseilık olimpiadada «Kümıs» jäne Euraziilyq olimpiadada «Altyn» medal iegerı atandy. AQŞ-tyñ universitetıne tüsu üşın mekteptegı informatika boiynşa  jinağan  jetıstıkterı oğan köp kömektestı. 

– Men bırqatar synyptasymnyñ Tehastağy Soltüstık Amerika universitetıne (NAU) emtihan tapsyraiyn dep jatqandaryn estıdım. Sodan menı qyzyqtyrğany sonşa, men de ötınış berdım. Däl sol kezderı men de,  menıñ otbasym da Amerikada oqu degendı tıptı qarastyrğan joq edık. Bıraq NAU oqu aqysyna öte jaqsy jeñıldık jasaidy eken jäne ol şamamen 80%-tı qūraidy. Sol kezde universitet jaña edı jäne sonysymen şeteldık studentterdı qyzyqtyrğan edı, – dep tüsındıredı Şerzat.

Oqu aqysy men kün körısım üşın aqşa töleu Şerzattyñ ata-anasyna qiyndau boldy. Sodan ol dereu aqyly tağylymdamadan ötudı jön sanady. Oqudyñ ekınşı kursynan bastap, ol öz şyğyndaryn özı töleitın därejege jettı.

– Ağylşyn tılım akademiilyq deñgei jaqsy boldy, – deidı Şerzat alqaşqy kezdı eske tüsırıp, - Liseide tehnikalyq pänder ağylşyn tılınde jürgızıldı, onyñ üstıne IELTS tapsyrdym. Alaida AQŞ-qa alğaş kelgende mağan aitylğandardy äreñ tüsınetınmın, - dep jymidy - Ekı-üş aidan keiın ğana tüsınu jeñıldei tüstı.

Törtınşı kurstyñ aldynda Amazon-da tağylymdamadan ötken bızdıñ keiıpkerımız özınıñ mol täjıribesın alğa tartyp, tüiındemesın jan-jaqqa jıberedı. Köp keşıkpei, oqudyñ soñynda Amazon, Twitter jäne Google-dan ūsynystar aldy.

– Menıñ tañdauym Google-ğa toqtady jäne universitettı bıtırgennen keiıngı üş aptadan soñ sol jerde jūmys ıstei bastadym, - dedı öz tañdauyn tarqatyp aitqan Şerzat - mektep kezınen bastap Google keñsesı menıñ armanym bolğan edı. Men student kezımde «Kadrlar» filmı jaryq kördı ("The Internship", Google - F kampusynda tağylymdamadan ötu üşın kelgen ekı dostyñ şytyrman oqiğalary turaly amerikalyq komedii). Sonymen qatar, būl Kremnii alqabynda bolğan oqiğa edı. Sondyqtan da bolar, men sonda tūryp, ömır sürgım keldı, ol jaqtağy ömırdıñ mänı nede ekenın körıp, sezıngım keldı. Al sonda qaludyñ soñğy faktory – olar mağan köbırek jalaqy ūsyndy.

Qazaqstandyqtyñ aituynşa, jūmysqa ornalasu prosesı «klassikalyq» formatta boldy – «tapsyrmalardy şeşu qajet etetın köptegen tehnikalyq sūhbattardan ötu kerek» boldy.

– Men Google-da 2016 jyldan bastap jūmys ıstei bastadym jäne Firebase, YouTube jäne Checks komandalarynda da jūmys ıstep ülgerdım. Sonymen qatar, Mauntin-Vu, London jäne Nu-İork (menıñ qazır tūryp jatqan jerım) qalalarynda tūrdym.

Jaqynda men Google-de eñbek etkenıme jetı jyl bolady eken. Uaqyt öte kele menımen bırge jūmys ısteitın adamdar kompaniinyñ özıne qarağanda äldeqaida mañyzdy bola bastady, - dep sūhbattasuşy ärıptesterımen keremet qatynasta ekenın moiyndap, tolyğyraq oiyn tarqata bastady: - Google-de özıñ jūmys ısteitın komandalardy auystyra alasyñ. Eger Sızge komanda ūnamasa nemese özıñızdı basqa bağytta synap körgıñ kelse, saittyñ ışındegı basqa komandalardağy pozisiilarğa auysu mümkındıgı bar. Qazırgı men üşınşı komandamen jūmys ıstep jatyrmyn.

Bızdıñ keiıpkerımızben bırge Soltüstık Amerikadağy universitetke barğan alty synyptastyñ bıreuı Koreidağy oquğa auysty, NAU-dy bıtırgennen keiın üşeuı Qazaqstanğa oraldy, söitıp bılım, investisii, biznes siiqty ärtürlı salalardan öz oryndaryn tapty. Al qalğan ekeuı şetelde qaldy.

– Ramazan Üşpaev biznes-äkımşılendıru mamandyğy boiynşa oquyn aiqtady, bıraq keiın tehnikalyq mamandyqqa qaita oqydy, qazırgı tañda NASA-da jūmys ısteidı. Mädi Hamitbekov Kanadağa ketıp, sol jerde Amazon-ğa jūmysqa ornalasty, - deidı Şerzat öz dostarynyñ jetıstıkterımen bölısıp.

Qazaqstannan şyqqan jüz guglşı

Google-dıñ Taivannan Kaliforniiğa deiıngı ärtürlı keñselerınde 100-ge juyq qazaqstandyq jūmys ısteidı, - dep Şerzat sanap berdı. Olar   – negızınen bağdarlamaşylar.

– Bızdıñ köpşılıgımız üşın, sonyñ ışınde men üşın de, bügıngı atqaryp otyrğan qyzmetımız bır kezderı bızdıñ tek armanymyzdağy jūmys edı dep aitar edım. Bıraq osynda jūmys ıstegen künnen bastap, adamdar özderınıñ industriilyq oi-örısın keñeitıp, mansaptarynan nenı qalaitynyn tüsıne bastaidy. Iğni, uaqyt öte kele osy jerdegı adamdardyñ köpşılıgıne būl armanyndağy jūmystan ömırdıñ kelesı kezeñıne auysady. Basqa kompaniilarğa da ketetın jıgıtter bar, - dep sūhbattasuşy söilese otyryp, mysal keltırdı:

Menıñ dosym Malika Äubäkırova Google-dıñ ağa äzırleuşısı bola otyryp, osyndai jaqsy jerden ketıp, Stenford universitetınde MBA därejesın aluğa şeşım qabyldady, iğni özınıñ «rölın» tehnologiidan bizneske tübegeilı özgertudı jön sanady. Jalpy, osyndai Google, Meta, Amazon jäne t. b. jahandyq ırı korporasiilar arasynda «jūmys ornyn auystyryp jürgender» köp.

Şerzattyñ özı Google-da jūmys ıstegendı ūnatady, ol jūmysta bır mezgılde jappai qysqartu jürgızılgen epizodty ğana qaltyrap ketkendei sezımmen esıne alady - 2023 jyldyñ 20 qañtarynda Google-dyñ jäne onyñ Alphabet törkındes kompaniinyñ bas direktory Sundar Pichaidyñ qyzmetkerlerge jazğan hatynda şamamen 12 myñ adamdy qysqartu josparynda baryn jariilady.

– Sol kezde ertesıne, men oina salyp, avtomatty türde jeke poştamdy, sodan keiın jūmys poştasyn tekserıp, bızdıñ CEO-dan qysqartular turaly hatty kördım. Köbısı mūndai tağdyr erte me keş pe, bızdıñ kompaniiğa da keletının ıştei bılıp jürgen, bıraq eşkım būl jağdai kütpegen jerden bolady dep oilamağan edı, - deidı sūhbattasuşymyz. - Jūmystan şyğarylğan adamdar tün ortasynda, bır-aq sätte barlyq jūmys resurstaryna, sonyñ ışınde jūmys poştasyna qol jetkızu mümkındıgınen airyldy. Tıptı ärıptesterımen qoştasuğa, onyñ ışınde bailanys telefondarymen almasuğa da mümkındıkterı bolmai qaldy.

Ärine būl qalypty ärı tüsınıktı jağdai bolğanymen, jūmystan şyğarudyñ däl osylai bolğany älı de ökınıştı. Būl menıñ köptegen ärıptesterıme de qatty özındık äser qaldyrdy. Menıñ bıluımşe, jūmystan bosatu mäselesı bırneşe qazaqstandyqqa ğana äser ettı. Baqytymyzğa orai, kompaniinyñ jūmystan bosatyluyna bailanysty berıletın järdemaqy öte jomart boldy.  

Guglşı-qazaqstandyqtar ärqaşan bailanysta boluğa tyrysatynyn dep atap öttı Şerzat Aitbaev, sebebı korporasiinyñ özındık « qazaq diasporasy» da qalyptasqan edı.

– Google-da bağdarlamaşy bolyp jūmys ısteitın dosym Aida Jūmabekova ekeumız – kompanii ışındegı qazaqstandyq qoğamdastyqtyñ köşbasşylarymyz. Bızde qoğamdastyqty qoldau üşın köptegen bastamalar bar. Qazaqstandyqtarğa käsıbi tūrğydan — mansap satysymen de, äleumettık jağynan da — adamdardyñ bır - bırımen tanysyp, kompaniida otandastary bar ekenın sezınuı üşın barynşa kömektesıp, qoldau körsetuge tyrysamyz, - dep tüsındıredı Şerzat.

Qoğamdastyqtyñ ekınşı maqsaty – Qazaqstan, onyñ mädenietı turaly tūraqty aqparat berıp otyru.

Jaqynda nauryzda Kaliforniida bız Nauryz merekesın ötkızdık, - deidı sūhbattasuşy. - İrandyq jäne auğandyq guglşılermen ärıptestık qatynastardy nyğaitu maqsatynda türlı tättılermen jaiqalğan dastarhan jaiyp, arnaiy ūlttyq kiımderımızdı kiıp, muzykamen qyzyqty ıs-şarany ūiymdastyrdyq. Qazaqstandyqtardyñ bırı - Jasan Baipaqbaev dombyrasyn şertıp, än-küi oryndady. Būl amerikalyqtardyñ da qyzyğuşylyğyn tudyrdy, köptegen adamdar mūndai merekenıñ Ortalyq Aziida atap ötıletının bılmeidı eken.

Mobildı qosymşağa arnalğan chekap

Şerzat Aitbaev Google Checks platformasynda jūmys ıstep jatqanyna törtınşı jyl. Būl äzırleuşı toptar men jasalatyn qoldanbaly qosymşalar üşın qūpiilylyqty saqtaudy jeñıldetu arqyly qauıpsız sifrlyq ekojüienı qūruğa kömektesetın mobildı qosymşany äzırleitınderge arnalğan qūpiilylyq platformasy (privacy-qūpiilylyq).

- Bügınde derekterdı qorğauğa jäne sol derekterdı qalai bölısuge bolatynyna qatysty köptegen zañnamalyq şekteuler bar. Bız mobildı qosymşalary bar kompaniilarğa qūpiilylyqqa qatysty prosesterdı jeñıldetuge kömektesemız jäne olardyñ tiıstı zañdardy būzu qaupın azaitamyz, – dep sūhbattasuşy mümkındıgınşe qarapaiym sözdermen tüsındıruge tyrysty.

Şerzat jūmys ısteitın komanda Area 120 jäne Google Labs degender startap-inkubatorlar siiqty Google-dıñ ışkı eksperimenttık bölımderıne qatysqan.

- Bız jobany 2020 jyldyñ säuırınde bastadyq, men sol jerdegı alğaşqy bağdarlamaşy boldym. Bız qazır inkubatordan şyğyp, Google-dıñ «negızgı» bölıgı boldyq. Ötken jyly bız beta rejimınde ıske qosyldyq, sodan berı bızdıñ önımge sūranys apta saiyn artyp keledı, - dep quanady ol. — Bızdıñ maqsatymyz – bükıl qūpiilylyq jüiesın paidalanuşylar üşın de, kompaniilar üşın de qauıpsız etu. Negızınde bızde mäselenı jahandyq deñgeide şeşetın önımdı jasau mümkındıgı bar, jäne aqyr soñynda barlyğy oljaly bolady.

Şerzat qazır ainalysyp jürgen käsıbı özıne ūnaityny anyq jäne ol özınıñ jaqyn bolaşağyn Google-men bailanystyryp otyr.

Mansap barysynda menıñ ūqqanym, jūmys ıstep jürgen kezeñnıñ eñ mañyzdy bölıgı – sızben bırge jūmys ısteitın adamdar eken. Men osyndai talantty jäne ūiymşyl ärıptestermen jūmys ıstegenım üşın özımdı baqytty sezınemın. 2023 jäne 2024 jyldarğa arnalğan bızdıñ orasan zor josparymyz bar», - deidı Şerzat jäne äñgımesın odan ärı jalğastyryp: - Bıraq bırneşe jyldan keiın men ne ısteitınımdı nemese nemen ainalysatynymdy älı bılmeimın. Mağan nölden bastalatyn jaña jobalarmen jūmys ısteu öte ūnaidy. Būl Google-da ma, joq älde basqa jaqta bolady ma, men osy bağyttağy jūmysymdy bolaşaqta jalğastyrğym keledı. Bıraq, ärine, big Tech-te jinaqtağan ülken täjıribemnen keiın men özımdı syrtqy startap älemınde de synap körgım keledı.

Şetelde jürıp ülken jetıstıkterge jetken otandastarymyzben sūhbattar siklı. Forbes Kazakhstan kompaniisymen bırlesken joba.