Marokko boksşylary 2024 jylğy Olimpiada oiyndarynan Marokko boksy tarihyndağy alğaşqy altyn olimpiada medalın jeñıp alady dep ümıttenedı qazaqstandyq jattyqtyruşy Erık Alğabek.
«Marokkoğa men Qazaqstan boks federasiisynyñ arqasynda keldım. Mağan öz komandalaryna jattyqtyruşylar ızdeitın bırneşe el ūsynyldy deidı sūhbatynda Erık Alğabek. Men Marokkony tañdadym, öitkenı men būl qūramany köpten berı baqylap kelemın ärı marokkolyqtardy jaqsy mektepte jattyqtyrsa, olar älemdegı eñ myqty komandalardyñ bırı bolar edı. Endı öz ideilarymdy jüzege asyruğa tyrysudamyn. Bır sözben aitqanda, aldyma osyndai maqsat qoidym».
Erık Alğabek Marokko astanasy Rabbat qalasyna 2022 jyldyñ qyrküiegınde, bokstan Afrika chempionaty qarsañynda keldı. Sol kezde el qūramasy erler men äielder boksynan altyn medal jeñıp aldy, būl qazaqstandyqtyñ Marokko boksşylarynyñ qabıletı turaly pıkırın rastady.
«Marokkolyqtar ärine, fizikalyq tūrğydan öte küştı olar öte qatty soqqyğa ie, bıraq däl emes deidı. Olar öte tözımdı, men sportşylardyñ jaraqattardan jäne auyr jüktemelerden tez qalpyna keletının bırınşı ret kördım. Bır sözben aitqanda, elde boks üşın bar jağdai jasalğan, bıraq ülken nätijeler joq. Marokkoda boks paida bolğannan berı olardyñ tört Olimpiadalyq qola medalı, erler boksynda bır älem chempiony jäne jaqynda bır äiel äielder boksynda älem chempiony boldy. Älem chempionattarynan tağy bırneşe kümıs jäne qola medaldar bar. Boks üşın mūndai tamaşa jağdaidy eskeretın bolsaq, būl aitarlyqtai eleulı nätije emes».

Erık Alğabek jäne Arab oiyndarynyñ chempiony Azui İmad
Kelısım-şart boiynşa Alğabek erler, äielder jäne jastar boksyna jauapty. Bız sporttyq bazada tūruymyz kerek, sebebı ünemı jiyndarğa daiyn boluymyz kerek deidı sūqbattasuşymyz.. Qazaqstandyq jattyqtyruşynyñ audarmaşysy joq, audarmaşy qajet te emes, sebebı bır jyl ışınde jattyqtyruşy arab tılınde söilei bastağan. Tabysy turaly sūraqqa ol Qazaqstandağydan ekı ese köp alamyn dep jauap beredı.
«Menı äielder qūramasynyñ bas bapkerı etıp tağaiyndağan kezde, jalaqy nebärı 360 myñ teñge boldy būl 800 dollar. Sodan keiın men komandanyñ da, jattyqtyruşylardyñ da jalaqylaryn köteruge qol jetkızdım» dep eske alady ol.
Erık Alğabek bokstan qazaqstandyq äielder qūramasyn ekı jyldan astam 2019 jyldyñ mamyrynan 2021 jyldyñ qyrküiegıne deiın basqardy. Tokiodağy sätsız Olimpiada oiyndarynan keiın qazaqstandyq boksta köp närse özgerdı. «Federasiinyñ jaña basşylyğy tek ūlttyq qūramada ğana emes, jastar men jasöspırımder qūramalarynda da erler men äielder boksynda barlyq jattyqtyruşylar qūramyn özgerttı» dep tüsındırdı.
Erık Alğabektıñ özı 10 jasynan bastap bokspen ainalysady. Men futbolmen ainalysqym keldı, bıraq bır aiğa boks seksiisyna ainalysyp köruge keldım, osylaişa boksta müldem qaldym deidı. Ol eñbek sıñırgen jattyqtyruşy Feliks Soimen bırge jattyğady aldymen sportşy retınde, sodan keiın tälımgerımen bırge boksşylardy daiyndai bastady.
«Men jattyqtyruşylyq jūmysty 2004 jyly bastadym, al äielder boksynda 2007 jyldan berı jūmys ısteimın. Ol 2011 jyldan 2016 jylğa deiın äielder boksy boiynşa Qazaqstan Jastar jäne jasöspırımder qūramalarynyñ ağa jattyqtyruşysy boldy. 2015 jyly Taipeidegı jastar men jasöspırımder arasyndağy älem chempionatyna bız 22 boksşymen baryp, sol jerden 18 türlı medal alyp keldık deidı jattyqtyruşy maqtanyşpen. Däl sol jyldardağy jastar qūramasynyñ qūramy qazır bızdıñ negızgı qūramağa medaldar alyp kelude deidı. Sodan keiın 2021 jylğy Azii chempionatynan segız altyn medal jeñıp aldyq dep jalğastyrady Alğabek jäne özınıñ basty jetıstıgın äielder käsıpqoi boksta joğary deñgeige qol jetkızgen alğaşqy jattyqtyruşy men bolamyn. Būl Firuza Şaripova deidı.
Jalpy qazaqstandyq bokstyñ bolaşağy zor dep bağalaidy bızdıñ äñgımelesuşımız. Sportşylar jaqsy tehnikağa ie, komandada joğary bäsekelestık bar. Jastar men jasöspırımder arasyndağy älem chempiondary turaly aitpağanda keibır salmaqtarda ekı älem chempiony nemese älem chempionatynyñ chempiony men finalistı bäsekelesedı dedı.
Alaida, älemdık boksta jağdai müldem quantarlyq emes deidı jattyqtyruşy.
«Jaqynda HOK (Halyqaralyq Olimpiada komitetı) men IBA (Halyqaralyq boks qauymdastyğy) arasynda öte qiyn şielenıstı jağdai boldy deuge bolady. Olimpiada oiyndarynyñ bağdarlamasynan boksty alyp tastau turaly mäsele bar. Men üşın būl tüsınıksız, öitkenı Olimpiadadağy eñ alğaşqy sport türlerı - boks, küres jäne jeñıl atletika. Olimpiadalyq qozğalystyñ negızınde jatqan sport türın qalai alyp tastauğa bolady? dep būl jağdaiğa tañ qalatynyn jasyrmady.
Jalpy bokspen şūğyldanuşylar sany artyp keledı, Taşkenttegı soñğy älem chempionatyna 107 elden boksşylar qatysyp rekord ornatty dep eske alady sūhbattasuşy. Äielder boksy qarqyndy damyp keledı, jarystarğa qatysuşylar sany boiynşa erler boksyn quyp jetude.
«Äielder boksynda 50 kelıge deiıngı salmaqta olimpiadağa 22 sportşy, al erler boksynda 51 kelıge deiıngı salmaqta 16 sportşy qatysady. Menıñ oiymşa, kemsıtuşılık kerısınşe bağytta oryn aldy» dep külımsıredı.

Erık Alğabek (ortada) Morokko sportşylarymen. Sol jaqta - Samguli Sulaiman, Arab oiyndarynyñ chempiony
Turnirler de jetkılıktı eken. Marokko qūramasy Jerorta teñızı oiyndaryna, Arab oiyndaryna, Afrika chempionatyna qatysady. Qazır komandada 20 sportşy bar, Alğabekke qūramdy keñeituge rūqsat berılıptı.
«Men komandany köbeitıp, jañartyp-jasartamyn. Būğan Jergılıktı federasii tarapynan tüsınıstık bar, olar menımen kelısedı, öitkenı olar boksşylardyñ progress körsetıp jatqanyn körude. Komandada bäsekelestık boluy kerek, bäsekelestık bolmasa, eşqandai özgerıs bolmaidy» dedı ol. Jattyqtyruşy aitqandai, Marokkoda boksqa degen tañdau köp, bıraq qanşa mümkındıkter bolğanymen boks mektebı dūrys qūrylmağan».
2023 jyldyñ şıldesınıñ ekınşı jartysynda Marokko chempionatynyñ soñğy bölımı ötedı, sodan keiın qūrama Afrika chempionatyna Kamerunğa ūşady, al qyrküiekte Olimpiada oiyndaryna lisenziilyq turnir ötedı.
«Onda bız bır jyl ışınde atqarylğan jūmystardyñ nätijesın köremız» deidı Alğabek. Sodan keiın «men qai jerde jūmys ıstesem de barlyq jerde aldyma eñ joğary maqsat qoimyn. Boksta būl barlyq chempionattardağy altyn medaldar jäne, ärine, olimpiadalyq «altyn». Parij Olimpiadasynda Marokko alğaşqy altyn medal alady dep ümıttenemın».
Şetelde tolağai tabystarğa qol jetkızgen otandastarymyzben sūhbattar toptamasy. Forbes Kazakhstan-men bırlesıp jüzege asyrylady