«Q» университетінің қабырғасында Оңтүстік Кореяның ең үздік университеттерінің бірі – Менджи университетінің «Q-Myongji Center» білім, мәдениет және ғылым орталығының салтанатты ашылуы өтті.

Жаңа орталық қосымша білім беру тілі ретінде корей тілін оқытуды дамытуға бағытталған. Студенттер мен барлық тілек білдірушілер тіл үйренуге қатыса алады. Сонымен қатар орталық екі университет профессорларының ғылыми бастамаларын дамытуды және мәдени аспектілерді кеңейтуді көздейді. Орталықтың мақсаты – бірлескен зерттеу бастамаларына жәрдемдесу, студенттер мен оқытушылардың академиялық ұтқырлығын арттыру, дағдыларды нақты жағдайларда практикалық қолдану мүмкіндіктерін кеңейту. Бұл стратегиялық бастама білім мен ғылымның көкжиегін кеңейту жөніндегі оқу орнының мақсаттарына сәйкес келетін халықаралық ынтымақтастықты нығайтуға және мәдени алмасуды ілгерілетуге бағытталған.

Менджи университетінің өкілдері ұлттық және халықаралық деңгейде жоғары позицияларға ие Оңтүстік Кореяның академиялық ортасында жетекші орын алатын білім беру мекемесі туралы ақпарат беріп өтті. Оңтүстік Кореяның орталығында орналасқан университет инженерия, технология және өнер саласындағы шеберлігімен танымал, Азиядағы ең үздік 100 университеттің қатарында. Ол жаһандық академиялық қауымдастық пен өнеркәсіпке айтарлықтай үлес қоса отырып, инновациялық зерттеулерде алдыңғы орында. QS Asian University Rankings – Eastern Asia рейтингіне сәйкес Менджи университеті 271-орында, бұл оның білім беру саласындағы ықпалы мен тұрақтылығын растайды.

gov.kz