«Отандастар қоры» КеАҚ қызметкерлері Павлодар облысындағы іссапар аясында С.Торайғыров атындағы Павлодар мемлекеттік университетінің дайындық (foundation) бөлімінде білім алып жатқан қандас жастармен кездесті.

Кездесу барысында студенттер Қоғам жұмысымен танысып, ҰБТ қатысу, мамандық таңдау, құжаттарды дұрыс рәсімдеу мәселелері талқыланды. 

• Сонымен қатар,
• - Азаматтық алу;
• - Ықтияр хат;
• - Болон процесі және т.б. мәселелер төңірегінде сұрақ-жауап өтті. Студенттер өз сауалдарын  қойып, болашақта ата-аналарын тарихи Отанына көшіріп әкелуге ниетті екендерін айтты.

Қазіргі таңда С.Торайғыров атындағы Павлодар мемлекеттік университетінің дайындық бөлімінде  134 этникалық қазақ балалары білім алуда. Бекітілген арнайы кураторлармен тығыз жұмыс жасап, ҰБТ тыңғылықты дайындалуда.

▪️Жоғары оқу орындарының дайындық бөлімі 9 ай бойы жалғасады;

▪️Негізгі мақсаты - ҰБТ-ға дайындау;

▪️Негізгі артықшылығы - ЖОО базасында ҰБТ тапсыратын пәндерге тегін дайындалып қана қоймай, ай сайын шәкіртақы алады және жатақханамен тегін қамтамасыз етіледі.