«Отандастар қоры» КеАҚ президенті Абзал Сапарбекұлы Иран Ислам Республикасының Қазақстандағы Төтенше және Өкілетті Елшісі Али Акбар Джоукар мырзамен кездесті

Кездесу барысында Қоғам басшысы Абзал Сапарбекұлы «Отандастар қорының» бірқатар жұмыс-жобаларымен таныстырып, жақында өткен «Отандастар» форумының мән-маңызына тоқталды. Форумға Иран қазақтарының өкілдері қатысты.

Тараптар арада орнаған достық және мәдени-гуманитарлық байланыстарды нығайтып, мазмұнды жобаларды бірлесе жасауға келісті. Иран Елшісі Қоғам басшысын алдағы уақытта Иранға келіп, Горгон қаласы мен бірқтарар басқа да аймақтарда тұратын Иран қазақтарымен кездесіп қайтуға шақырды. Қос тарап алдағы уақытта екі елдің достығына дәнекер болып отырған диаспоралар туралы деректі фильм түсіру туралы уағдаласты.

Сонымен қатар, Қоғам ұйымдастыруымен Иранның Горган қаласында шілде-қараша айларынан бастап А1-А2 деңгейі бойынша офлайн форматтағы қазақ тілі курстары өтіп жатыр. Қазіргі таңда ақпан айынан бастау алған онлайн форматтағы қазақ тілі курсы да өз жұмысын жемісті атқарып келеді. Атап айтсақ, Ирандағы ағайын қазақ тілі курстарына белсенді қатысып, жақсы нәтижелерге қол жеткізуде.
«Жас қазақ» жазғы этно-лагеріне де Ирандағы этникалық қазақ жастары қатысып, шығармашылық байқаулардан жүлдегер атанып жүр.

#Otandastar #Qandastar #Qazaqtar #Iran