1404 телефонына хабарласып, өзекті мәселелерге қатысты кеңес алуларыңызға болады.
⠀
Еліміз бойынша атамекенге оралған бауырлардың құжаттарын заңдастыруға және қандастардың кез-келген түйіткілді мәселелерін шешуге көмектесетін «Отандастар қорының» бірыңғай ақпараттық орталығы жұмыс істеп тұр.
⠀
Бұл орталық оралман куәлігін алу, елімізде тұрақты тұруға рұқсат алу және азаматтық алу үшін құжаттар жинау үдерісіне заңдық және ақпараттық жағынан жедел кеңес береді.
⠀
Оның құрамына кіретін фронт офистер қандастарды алаңдатқан мәселелерді анықтап, тиісті мекемелер арқылы тез шешуге көмектеседі.
⠀
«Отандастар қоры» мен «Дүниежүзі қазақтары қауымдастығының» өңірлердегі өкілдігі саналатын фронт-офистер еліміздің 10 қаласында ашылды.
⠀
Айта кетейік, 2019 жылы 1404 нөмерлі ақпараттық орталыққа 2640 қандасымыз қоңырау шалып, хабарласса, фронт офистерге 1587 қандасымыз қабылдауға келді. Олар көтерген мәселелер құзырлы мекемелерге жіберіліп, жедел шешімін тапты.
⠀
Еске сала кетейік, ақпараттық орталыққа мобильді және қалалық телефондар арқылы 1404 номеріне хабарласа аласыз.