Ұлыстың ұлы күні, шығыстың Жаңа жылы - Әз-Наурыз мерекесіне орай «Отандастар қоры» алыс-жақын шет елдердегі этникалық қазақтар мен атажұртқа оралған қандастар арасында «НАУРЫЗ-БАТА» байқауы өтеді!
Салиқалы сайысқа жасы 40-тан асқан кез келген ер-азаматтар қатыса алады. Көнеден жаңаға, бабадан балаға жалғасып келе жатқан салт-санамызды жаңғыртып, дәстүрімізді дәріптейтін байқаудың басты талабы - аталы сөзбен өрілген бата-тілек жолдау арқылы отаншыл рухты оятып, ұлтты ұйыстыруға, ел бірлігін нығайтуға үндейтін мазмұнда болуы шарт. Тақырыпқа сай таңдаулы бата-тілектер ұялы телефонға немесе бейнетаспаға жазылып, дайындалған видеороликтер «Отандастар қорының» мына әлеуметтік желілеріне жолдануы тиіс:
- Фейсбук: https://web.facebook.com/OtandastarQory/;
- Инстаграм: https://www.instagram.com/otandastar_qory/;
- Телеграм: https://t.me/otandastar
- WhatsApp: +7 778 682 55 25 (жоба авторы: Серік Бегалыұлы)
Шығармашылық жұмыстар 15-ақпан мен 15-наурыз аралығында қабылданады.
Байқауда байсалды бата беріп, бағы жанған отандастарға ұлттық тарту-таралғылар табысталады!
Байланыс телефоны: +7 /7172/ 23 59 22
WhatsApp: +7 778 682 55 25