Magıstratýraǵa túsýge arnalǵan keshendi testileý 17 tamyzda bastalady

Oqýǵa túsýshilerdiń jeke kabınetterine (UTO saıtynda) KT ótkizilý kúni, ýaqyty jáne orny kórsetilgen jańa ruqsattamalar jiberiledi. Testileýdiń qorytyndysy boıynsha kýálik elektrondyq nysanda beriledi.

KT 18 óńirlik testileý ortalyǵynyń bazasynda kompúterlik formatta ótedi. Akademıalyq adaldyqty saqtaý maqsatynda ár kompúter beınekameramen qamtamasyz etiledi.

Ár qatysýshy úshin testileý derbes bastalady. Testilenýshiler suraqtardy ótkizip jiberip, aldyńǵy suraqtarǵa qaıta orala alady jáne jaýap nusqalaryn ózgerte alady. Testileý aıaqtalǵan soń 30 mınýt ishinde appelásıaǵa tapsyrýǵa bolady.

Testileý ýaqyty - 3 saǵat 55 mınýt, tapsyrmalar sany - 130.

Komısıa oqýǵa túsýshini tyıym salynǵan zattardy alyp ótýge tyrysqany úshin nemese bógde adam arqyly testileýdi tapsyrýǵa tyrysqany úshin keshendi testileýge jibermeýi múmkin.

Testilenýshilerdi kirgizý jáne otyrǵyzý kezinde sanıtarlyq qaýipsizdik sharalary saqtalady.

@edu_news_qz

31 Шілде 2020

Кері байланыс

Записаться