⠀
⚡ Жаһанды жайлаған індет салдарынан туындаған жайсыз жағдай байқауға қатысып, бақ сынасуға да кері әсерін тигізіп отыр. Сондықтан «Абай әлемі» конкурсының межелі мерзімін 1 айға ұзартуды ұйғардық.
⠀
⚡ Сонымен бұған дейін 28 сәуір-28 мамыр аралығында өтеді деп жарияланған халықаралық байқау жаһандық төтенше жағдайға байланысты 1 айға ұзартылып, 28 маусым күні аяқталатын болды!
⠀
? БАЙҚАУ ШАРТТАРЫ:
⠀
Әр қатысушы келесі 5️⃣ қадамды орындау керек:
⠀
1️⃣ Абай өлеңдерінің бірінен үзінді оқуы керек (кемінде екі-үш шумақ)
⠀
2️⃣ Абайдың «Қара сөздерінің» бірін таңдап, үзінді оқуы керек (кемінде бір абзац)
⠀
3️⃣ Абай әндерінің бірінен үзінді орындауы керек
(кемі бір шумақ+ қайырмасымен)
⠀
4️⃣ Осының бәрін БІР видеоға түсіріп, өзіне ыңғайлы әлеуметтік желіге (Инстаграм, Фейсбук, ВКонтакте, Твиттер) салып, #OtandastarAbai175 хэштегін (МІНДЕТТІ ТҮРДЕ) жазып жүктеуі қажет.
⠀
5️⃣ Видеоның басында аты-жөніңізді, қай елден екеніңізді және жасыңызды АЙТЫП және ЖАЗЫП қоюыңыз керек.
⠀
? БАЙҚАУҒА КІМ ҚАТЫСА АЛАДЫ?
⠀
✅ Алыс-жақын шет елдердегі қазақ жастары
⠀
✅ Жасы 18 бен 35 аралығында болуы шарт
⠀
? БАЙҚАУДЫҢ ҚОРЫТЫНДЫСЫ:
⠀
28 маусым -  Бұқаралық ақпарат құралдары қызметкерлерінің кәсіптік төл мерекесі күні жарияланады.
⠀
? БАЙҚАУ ЖЕҢІМПАЗДАРЫ:
⠀
✅ Байқауға жолданған бейнероликтерді білікті мамандардан құрылған қазылар алқасы іріктеп-сұрыптап, ең үздік деп танылған 3️⃣ талантты талапкер ЖҮЛДЕГЕР атанады
⠀
✅ Үздік 3 жүлдегерге де «Туған елге саяхат» туристік пойызына ТЕГІН ЖОЛДАМА беріледі
⠀
✅ Саяхат жасайтын сапар уақыты қосымша хабарланып, жүлдегерлер алдын ала құлағдар етіледі
⠀
✅ Үздік үштікке енген шетелдік қандастың Қазақстанға келіп-кететін жол шығынын, күтіп алу-шығарып салу және туристік топқа қосу міндетін «Отандастар қоры» өз мойнына алады.
⠀
Ұлы ақынның ұлағатын паш етіп, Абайдың ғаламдық тұлғасы мен шығармашылығын дәріптеу арқылы күллі әлемге ұлтымызды ұлықтайтын байқауда баршаңызға сәттілік тілейміз!