2025 жылы 6 755 этникалық қазақ тарихи отанымен табысып, қандас мәртебесін алды, деп хабарлайды Almaty.tv.

1991 жылдан бері Қазақстанға 1 миллион 154,8 мың этникалық қазақ оралған.

2025 жылдың басынан бастап Қазақстанға қоныс аударған қандастардың:

• 45,1%-ы – Қытайдан,
• 41,7%-ы – Өзбекстаннан,
• 5,4%-ы – Түрікменстаннан,
• 2,8%-ы – Моңғолиядан,
• 2,4%-ы – Ресейден,
• 2,6%-ы – басқа елдерден келген.

2025 жылғы 1 шілдедегі жағдай бойынша:

• Қандастардың 59,8%-ы – еңбекке қабілетті жастағылар,
• 31%-ы – еңбекке қабілетті жастан кіші,
• 9,2%-ы – зейнеткерлер.

Еңбекке қабілетті жастағы қандастардың білім деңгейі бойынша:

• 16%-ы – жоғары білімді,
• 27,1%-ы – орта кәсіби білімді,
• 54,6%-ы – жалпы орта білімді,
• 2,3%-ының білімі жоқ.

Этникалық қазақтар еліміздің әртүрлі өңірлеріне қоныстандырылды.

Қандастарды қоныстандыру мақсатында еңбек күші жетіспейтін мына өңірлер анықталды:
Ақмола, Абай, Қостанай, Павлодар, Атырау, Батыс Қазақстан, Шығыс Қазақстан және Солтүстік Қазақстан облыстары.

Аталған өңірлерге 2025 жылға арналған қандастарды қабылдау квотасы – 2 309 адамды құрайды.
2025 жылғы 1 шілдедегі жағдай бойынша бұл өңірлерге 1 092 қандас қоныс аударған.

Қоныстанған қандастарға мемлекеттік қолдау шаралары ұсынылады:

• Көшуге арналған субсидия – отағасына және әрбір отбасы мүшесіне 70 айлық есептік көрсеткіш (АЕК)мөлшерінде (275,2 мың теңге);
• Тұрғын үй жалдау мен коммуналдық қызметтерге төлем – 1 жыл ішінде 15-тен 30 АЕК-ке дейін (59 мыңнан 118 мың теңгеге дейін ай сайын).

2025 жылы 494 қандасқа түрлі қолдау көрсетілді.

Атап айтқанда:

• 188 адам тұрақты жұмысқа орналастырылды.
• Сонымен қатар, азаматтарды еліміздің солтүстік өңірлеріне қоныс аударуға ынталандыру мақсатында жұмыс берушілерді қолдауға бағытталған институционалдық шаралар қабылданды.

Экономикалық ұтқырлық сертификаты енгізілді. Бұл – тұрғын үй сатып алу, салу немесе ипотекалық қарыз бойынша бастапқы жарнаның бір бөлігін жабуға арналған:

• тұрғын үй құнының 50%-ына дейін немесе бір отбасыға 4,56 миллион теңгеге дейінгі мөлшерде
• қайтарымсыз және бір реттік көмек ретінде беріледі.

 

Дереккөз: Almaty.tv