«Отандастар қоры» КеАҚ ұйымдастыруымен ағымдағы жылдың 27-28 наурыз күндері Моңғолияның Баян-Өлгей аймағында «Қазақстандық білім күндері» өтіп жатыр.

Бұл іс-шара шетелдегі отандастарымыз үшін Қазақстандағы жоғары оқу орындары мен білім беру бағдарламалары туралы толық ақпарат алу мүмкіндігін ұсынып, қатысушыларға Қазақстанда оқу үшін қажетті ақпарат пен қолдау көрсетілуде.

"Білім көрмесінің" ашылу салтанатына Баян-Өлгий аймағының Әкімі Заңғар Есентайұлы қатысып ізгі тілектерін білдірді. Қызығушылық танытқан оқушылар мен ата-аналарға 20-ға жуық ЖОО білікті мамандары білім гранттары және мамандық таңдау бойынша ақпарат берілуде.

Көрмеге Баян-Өлгей аймағының 300-ге жуық орта білім беру мектебінің оқушылары қатысты. Олар Қазақстанда білім алуға байланысты нақты мәлімет алып, университет өкілдерімен бетпе-бет тілдесуге мүмкіндік алды.

Алматы энергетика және байланыс университеті мен Дайындық бөлімдерін оқытатын басқа да университеттермен бірлесе ұйымдастырып жатқан «Білім көрмесі» 28 наурызға дейін жалғасатынын естеріңізге саламыз.