Алматыда «Отандастар қорының» Бизнес және жобаларды акселерациялау департаментінің меңгерушісінің орынбасары Анас Баққожаев және Қатынастарды ақпараттық қолдау орталығының меңгерушісі Болат Зауытұлы Дүниежүзі қазақтары қауымдастығының және «Отандастар қорының» Алматы қаласындағы фронт-офис қызметкерлерімен кездесіп, жұмыс барысымен танысып, ой-пікір бөлісті.

Сонымен қатар шеттен келген қандастарымыздың құжаттарын реттеу,  қандас статусын алу, жұмыспен қамту, әлеуметтік және психологиялық  жәрдем көрсету бойынша дөңгелек үстел ұйымдастырылды.

Іс-шараға Алматы қаласының Әлеуметтік және әл-ауқат басқарма бастығының орынбасары Данияр Әлкебайұлы, Көші-қон және миграция  бөлімінің меңгерушісі Мырзан Миятұлы және т.б. мамандар қатысты. Жиналғандар шеттен келген қандастарымыздың шешімін таппай жүрген сұрақтары мен мәселелерін талқылап, ұсыныстарын айтып, шешу жолдарын қарастырды.