Қарақалпақстанның халыққа білім беру қызметкерлерін қайта дайындау және олардың біліктілігін арттыру өңірлік орталығы Мұқағали Мақатаевтың өмірі және шығармашылығына арналған «Поэзия! Менімен егіз бе едің?» тақырыбында әдеби-композициялық кешін өткізді.

Қазақ халқының дарынды ақынына арналған іс-шараны Өзбекстан Республикасы халыққа білім беру уәзірлігі мен Қарақалпакстан Республикасы қазақ ұлттық мәдени орталығы бірлесіп ұйымдастырды. Кешке зиялы қауым өкілдері мен студенттер қатысты.