ҚР Сыртқы істер министрінің орынбасары Ә.Ә. Бақаев «Отандастар қоры» КЕАҚ ұжымына жаңа басшысын таныстырды. Қазақстан Республикасы Сыртқы істер министрінің бұйрығымен Данияр Рамазанұлы Қадыров «Отандастар Қоры» КЕАҚ президенті лауазымына тағайындалды.
![](https://oq.gov.kz/media_content/061924559600.png)
Сонымен қатар Әлібек Әсетұлы «Отандастар қорының» қызметін жетілдіруде және шетелдегі отандастармен байланысты нығайтуда қосқан үлесі үшін бұрынғы басшы Абзал Сапарбекұлына алғысын білдірді.
-
- Данияр Рамазанұлы Қадыров 1975 жылы Алматы қаласында дүниеге келген. Әл-Фараби атындағы Қазақ ұлттық университетін бітірген.
-
- Өз еңбек жолын 1999 жылы ҚР Мәдениет министрлігінің Бұқаралық ақпарат құралдары департаментінің жетекші маманы ретінде бастады, содан кейін 2004 жылға дейін осы ведомствоның құрылымында әртүрлі лауазымдарды атқарды.
-
- 2000-2004 жылдары – ҚР Білім және ғылым министрлігінің Жастар саясаты департаментінің басқарма басшысы, директорының орынбасары.
-
- 2005 жылы жергілікті атқарушы органдар қызметіне – Степногорск қаласы әкімінің орынбасары лауазымына ауысты.
-
- 2007 жылы ҚР Президенті Әкімшілігінің Мемлекеттік бақылау және ұйымдастыру жұмысы бөлімінің сектор меңгерушісі болды.
-
- Кейінірек, 2007 жылы Қазақстанның Моңғолиядағы Елшілігінде кеңесші-уәкіл лауазымына дипломатиялық қызметке ауысты, содан кейін 2013-2015 жылдар аралығында Қазақстанның Түрікменстандағы Елшілігінде кеңесші-уәкіл лауазымында жұмыс істеді.
-
- 2015-2019 жылдары аралығында «ҚР телерадио хабарларын тарату операторларының қауымдастығы» ЗТБ атқарушы директоры болды.
-
- 2019-2022 жылдары ҚР Президенті Әкімшілігінің Өтініштерді қарауды бақылау бөлімі меңгерушісінің орынбасары болды.
-
- 2022-2023 жылдары ҚР Ақпарат және қоғамдық даму вице-министрі болып тағайындалды.
-
- «Отандастар қоры» КЕАҚ президенті болып тағайындалғанға дейін 2023 жылғы қарашадан 2024 жылғы наурызға дейін ҚР Мәдениет және ақпарат вице-министрі болды.