«Отандастар қоры» КеАҚ басқарушы директоры Нұрхан Бұхарбайұлы Әл-Фараби атындағы Қазақ ұлттық университетінде білім алып жатқан қандас студенттермен кездесті

28 қазан күні Нұрхан Бұхарбайұлы Әл-Фараби атындағы Қазақ ұлттық университетінің Халықаралық қатынастар факультетінде оқытушыларға және қандас студенттерге «Шетелдегі қандастар және Қазақстанның диаспоралық саясаты» тақырыбында арнайы лекция оқыды.

Лекция барысында Қазақстанның шетелдегі қазақтарды қолдаудың заңнамалық негіздері, Қазақстанның диспоралық саясатының таргеттік аудиториясы, шетелдегі этникалық қазақтар, бұрынғы отандастар және шетелдегі қазақстандықтар, этникалық қазақтардың қоныстану елдері мен тарихи аспектілері, олардың ресми және бейресми сандық көрсеткіштері, шетелдегі қазақтарды мәдени-гуманитарлық қолдау шаралары, атап айтқанда "Отандастар қоры" КЕАҚ-ның іске асырып жатқан нақты жобалары туралы мәселелерге тоқталып, сұрақтарға жауап берді.  

Университет тарапынан арнайы лекциялар ұйымдастыру қажеттігі және «Отандастар қоры» Қоғамымен өзара қарым-қатынастарды нығайту жөнінде ұсыныстар білдірілді.

#Otandastar #Qandastar #Qazaqtar