«Қоғамдық лекция» жобасы басталады

Л.Н. Гумилев атындағы Еуразия ұлттық университетінің қолдауымен «Отандастар қоры» КеАҚ жаңа білім беру және тәжірибе алмасу алаңы «Қоғамдық лекция» жобасын ұсынады.

Жобамыздың алғашқы спикері — белгілі дипломат, тарих ғылымдарының докторы, профессор және «Отандастар қоры» КеАҚ кеңесшісі Қалыбек Ибрагимұлы Қобландин.

Қалыбек Ибрагимұлы — Қазақстанның Моңғолиядағы Төтенше және Өкілетті Елшісі (2013-2019 жж.). Ол өзінің Өзбекстан, Қырғызстан, Тәжікстан, Ресей және Моңғолия елдеріндегі көпжылдық мол дипломатиялық қызметінің қыр-сырымен бөліседі.

Лекция барысында:
— Халықаралық қатынастар мен сыртқы саясаттағы бірегей тәжірибелер айтылады;
— «Отандастар қорының» шетелдегі қандастарды қолдауға бағытталған ауқымды жобалары мен қызметі таныстырылады;
— Қатысушылар көкейкесті сауалдарына тікелей жауап ала алады.

Күні: 9 маусым
Уақыты: 11:00
Өтетін орны: Еуразия ұлттық университеті (ЕҰУ)

Қатысу үшін тіркеліңіз: +7 775 510 5191 (What's App)

Тәжірибелі дипломатпен жүздесіп, пайдалы білім алу мүмкіндігін жіберіп алмаңыздар!