Нью-Йорк тұрғындары Қазақстан мәдениетін ұлттық тағамдар арқылы зерттеуде.

  АҚШ-тағы қазақтың ұлттық тағамдары бар алғашқы мейрамханалар желісі Орталық Азияның ең үздік тағамдары ғана емес, сонымен қатар американдықтарды Қазақстанның тамаша мәдениеті мен қайталанбас дәстүрлерімен таныстырған мекеме ретінде тағы да бір мәрте танылды, деп хабарлайды Kazinform  агенттігінің тілшісі.

Халықаралық әйелдер күні мерекесіне орай, 6 наурызда Нью-Йорктегі «Farida» мейрамханалар желісінің негізін қалаушы, жерлесіміз Фарида Аянқызы Ғаббасова Нью-Йорк шетел консулдары қоғамының «Арнайы жетістік сыйлығына» ұсынылды.

- Баршамызға мәлім, Халықаралық әйелдер күні әйелдердің қоғам мен мәдениетке сіңірген еңбегі мен жетістіктері атап өтеді. Дүние жүзіндегі әйелдерде бизнесте, мемлекеттік саясатта және жалпы көшбасшылықта табысқа жету үшін үлкен мүмкіндіктер бар.

Менің ойымша, Шетел консулдары қоғамы мен әйел ретінде бизнесте көшбасшылық танытып, жағдайды өзгерту үшін әйелдер бас консулдарының миссиясын қолдаймын деп пайымдайды», - деді Фарида Ғаббасова.

Бұл марапат алғашқы емес, қазақтың ұлттық тағамдарының мейрамханасы 2019 жылы Дүниежүзілік тағам фестивалі кезінде, 2020 жылы Нью-Йорк консулдары қоғамының Құрмет грамотасымен марапатталған, сонымен қатар «Timeout New York» және «Eaters New York» тарапынан Нью-Йорктегі Орталық Азияның ең үздік тағамдары ретінде ерекше танылған болатын.

Фарида Ғаббасова Қарағанды ​​қаласында туып-өскен, «Болашақ» университетінің шетел филологиясы факультетін бітірген. Ағылшын тілін үйрену кейіпкерімізді өнер, бизнес, дизайн, бұқаралық коммуникациялар және сән индустриясына қатысты технологиялар бойынша Нью-Йорктегі беделді Сән Технологиялар Институтында оқу үшін АҚШ-қа баруға итермеледі.

Сәнге құмар және кәсіпкерлікке қызығушылық танытқан Фарида Ғаббасова Нью-Йоркте жүргенде мегаполисте нағыз Орталық Азия тағамдарының жоқтығын байқаған.

Қоғамдық тамақтандыру саласындағы осы олқылықты пайдаланып, кейіпкеріміз 2015 жылы Манхэттенде қазақ тағамдары бар бірінші бірегей «Фарида» мейрамханасын ашып, қазақ тағамдарының сан алуандығына таңғалып, тамсанған америкалықтар үшін үлкен әсер қалдырды.

Жергілікті халық арасындағы танымалдылық пандемия кезінде 2021 жылы екінші мейрамхананың ашылуына әкелді және табысты бизнестің дамуы нәтижесінде Фарида мейрамханасы 2023 жылы өз брендімен бизнес ашу үшін франшизаны іске қосты.

Фарида Аянқызының айтуынша, АҚШ-та бизнес ашу қиын шаруа емес, бірақ қоғамдық тамақтандыру саласында АҚШ-тың көптеген реттеуші органдарына тап болу мейрамхана бизнесін жүргізуге қиындық тудырады.

«Мейрамхана бизнесі маған мейрамхананың дизайнына, ас мәзірінің мазмұнына шығармашылық көзқараспен қарауға және тұтастай алғанда, клиенттердің мәдени байытылуына шығармашылық көзқараспен қарауға мүмкіндік береді», - деп атап өтті Фарида Ғаббасова.

Қонақтарға ұлттық тағамдардың кең таңдауы ғана емес, сонымен қатар олардың сипаттамасы бар мәзір ұсынылады, бұл Нью-Йорк тұрғындарына қазақтың дәстүрлі тағамдары туралы көбірек білуге ​​мүмкіндік береді.

«Қазақтың мәдениеті мен салт-дәстүрлерімен танысудың өте қызықты әрі тартымды жолы – ұлттық тағамдар», - деп атап өтті Фарида Ғаббасова.

Сондай-ақ, мейрамханада қойылған өнер туындылары, ұлттық киімдер мен қазақы декор арқылы жергілікті тұрғындар қазақ мәдениетіне қосылуға мүмкіндік алды.

Киноиндустриядағы америкалық «Netflix» ойын-сауық компаниясы 6 наурызда Орталық Азия аймағының сипаты бар мейрамханада бейне түсірілім жүргізуге ниет білдірді.

Америка жастары қазақ тағамдарына қызығушылық танытуда. Наурыздың 2-сі күні Education First академиясының оқушылары Наурыз мейрамына орай сыныптастарын сыйлау үшін қазақ тағамдарын сұрады. Сонымен қатар,  жиі келетін қонақтар қатарында Колумбия және Нью-Йорк университеттерінде Қазақстанның тілі мен тарихын оқып жатқан американдық студенттер.

Фарида Ғаббасова сондай-ақ АҚШ-та Қазақстан атынан түрлі мәдени шараларға қатысу үшін келген қазақстандықтарды қолдауға тырысады.

2023 жылы «Фарида» мейрамханасы Қазақстанның Мемлекеттік симфониялық оркестрінің әлемге әйгілі скрипкашы Айман Мұсахаджаеваның қатысуымен Нью-Йорктегі Карнеги Холлда Global Music Partnership ұсынған қойылымына демеушілік жасады. Біз сондай-ақ «New York fashion week the show» сән апталығы аясында қазақстандық дизайнерлердің «Nomad Fashion Empire» шоуын және басқа суретшілерімізге  қолдау көрсетті.

Біздің болашақ жоспарларымызға жеке және кәсіби өсуді жалғастыру, жаңа идеяларды зерттеу және мейрамханалар желісі мен сән индустриясына қатысты бизнес бастамаларды кеңейту кіреді.

Осылайша, біздің кейіпкеріміздің мекемесі тек жағымды демалуға арналған орын ғана емес, сонымен қатар американдықтарды Қазақстанның тамаша мәдениеті мен бірегей дәстүрлерімен таныстыратын Нью-Йорктің маңызды мәдени орталығына айналды.

Рустем Кожыбаев

Фото: Рустем Кожыбаев/Kazinform

аударған - Qazalem