«Отандастар Қоры» КеАҚ-тың «Шетелдегі отандастарды домбыра ойнауға оқытуды ұйымдастыру» жобасы бойынша домбыра үйретуді ұйымдастыру және өткізу бойынша қызметін сатып алу жоспарланып отырғанын хабарлайды

1. Кіріспе

Техникалық сипаттама (бұдан әрі – ТС) орындаушының көрсетілетін қызметтеріне қойылатын талаптарды айқындайды. ТС-да көрсетілген талаптар Орындаушыға міндетті болып келеді және кәсібилігін растайтын құжаттар негізінде домбыра үйрету қызметін жүзеге асыру тәртібін анықтайды.   

2. Мақсат

Қызметтің негізгі мақсаты – шетелдегі этникалық қазақтар, бұрынғы отандастар, шетелде тұратын Қазақстан Республикасының азаматтары арасында дәстүрлі өнерді дәріптеу және домбыра үйрену арқылы қазақтың музыкалық мұрасын насихаттау, ұлттық бірегейлікті сақтау, мәдени байланыстарды нығайту, сондай-ақ қазақтың күй өнеріне қызығушылықты арттыру.

3. Жалпы ережелер

Тапсырыс берушінің өкілі Орындаушымен көрсетілетін қызметтердің кезеңдерін өзара келісу және үйлестіру мақсатында әрекеттеседі.

4. Қызметтер тізіміне қойылатын талаптар:

• – Орындаушының кәсіби білікті маман болуын растайтын диплом немесе біліктілігін растайтын басқа да құжаттарының болуы;
• – «Домбыра үйрену» сабақтары офлайн форматта өтеді;
• – 9 ай оқу (01.03.2025-30.11.2025) мерзіміне арналған оқыту жоспарын дайындау;
• – Қызмет көрсету аясындағы міндеттерін жеке өзі сапалы атқаруы керек;
• – Сабақтың мазмұнына, жобаның қажетті деңгейде насихатталуына жауап беруі керек;
• – Келісім шарт мерзімі аяқталғанға дейін кемінде 5 күрделі күй, 5 шағын күй үйрету;
• – Қатысушылар тізімін құру тиіс (кәмелет жасқа толмаған оқушылардың ата-анасының біреуі, қамқоршы немесе заңды өкілінен жазбаша түрдегі рұқсаты болуы тиіс);
• – Домбыра үйрену курсының аудиториясына шетелдегі этникалық қазақтар, бұрынғы отандастар, шетелде тұратын Қазақстан Республикасының азаматтарынан тұратын кемінде 15 қатысушы жинауы тиіс;
• – Домбыра үйрену сабақтары аптасына кем дегенде 2 күн, айына кемінде 10 сағатты құрау керек;
• – Орындаушы домбыра үйрену курсының айлық есебін  және қатысушылар тізімін (аты-жөні, жасы, қаласы, байланыс көздері) Астана қаласы уақытымен есепті және көрсетілген қызметтердің актілерінің түпнұсқаларын келесі айдың 15-ші күні сағат 18:00-ге дейін қағаз және электронды нұсқада Тапсырыс берушіге жолдама хатпен ұсынуы керек (фото, видео материалдарымен қоса);

5. Қызмет көрсету мерзімі:

2025 жылғы 1 наурыздан бастап 30 қарашаға дейін.

Конкурсқа қатысуға өтінім, коммерциялық ұсыныс беру 25 ақпанға  дейін otandastarqory01@gmail.com электронды поштасы арқылы немесе Астана  қаласы, Қонаев көшесі 12/1 мекенжайы бойынша қабылданады.