ШЕТЕЛДЕГІ ҚАЗАҚ ТІЛІ ОҚЫТУШЫЛАРЫНЫҢ НАЗАРЫНА!

Қазақстан Республикасы Ғылым және жоғары білім министрлігі Тіл саясаты комитеті Шайсұлтан Шаяхметов атындағы «Тіл-Қазына» ұлттық ғылыми-практикалық орталығы 2023 жылғы 28-31 тамыз аралығында 12 сағаттық онлайн режімде «Қазақ тілін үйрету: отандық және шетелдік тәжірибе» тақырыбында біліктілікті арттыру курсын өткізеді.

Курста отандық және шетелдік әдіскерлер Қазақстан аумағынан тыс жерде тұрып, қазақ тілін үйреніп және үйретіп жүрген қандастарға тіл үйретудегі әдіс-тәсілдерді, әдістемелерді, технологияларды қазіргі кезең талаптарына сай қолдану жолдары көрсетіледі, сандық технологияның көмегімен қазақ тілін ана тілі және шет тілі ретінде оңтайлы үйретудің тәжірбиесі ұсынылады. Сондай-ақ сабақ бағдарламалары, оқу-әдістемелік құралдар таныстырылады.

Толық ақпарат: +77027714232